Симеоне: Ова е транзициска година за Атлетико!

Тренерот на Атлетико Мадрид, Диего Симеоне го коментираше поразот од Барселона синоќа на „Ванда Метропилитано“.

„Јорганџиите“ беа поразени со голот на Лео Меси, па сега се наоѓаат на 6-то место на табелата и заостануваат зад лидерите, а Симеоне изјави дека оваа година е транзициска за Атлетико Мадрид.

„Тимот даде се од себе, играчите го прават она што тренерот го бара од нив. Ние мора да бидеме трпеливи и свесни дека имаме транзициска година. Јас сум најмалку трпелива личност, треба да го разбереме обемот на промените што ги доживеа тимот. Ни треба време да ја подобриме ситуацијата“, изјави Симеоне.

Синоќа неговиот тим беше исвиркан од сопствените  навивачи на „Ванда Метрополитано“.

„Ова е нормално, критикувани сме. Заостануваме зад Барселона и Реал Мадрид. Не ми пречи“, заклучи аргентинскиот стратег.