Валверде потпиша нов договор со неверојатна клазула

Младиот фудбалер Федерико Валверде (21) потпиша нов договор со Реал Мадрид.

Овој талентиран играч од средниот ред ја продолжи соработката со „Кралевите“ до јуни 2025 година, а во неговиот договор е ставена неверојатна откупна клазула.

Таа изнесува дури 750 милиони евра и секој тим што сака да го види Валверде во своите редови ќе мора да издвои навистина огромна цифра.

Валверде пристигна во Реал во 2016 година од Уругвајскиот Пенарол. Помина една сезона на позајмица во Депортиво, а оваа сезона често добива шанса во првиот тим на „Кралевите“.