Македонија 2019 година ја завршува на 68. позиција на ФИФА ранг листата

Фудбалската репрезентација на Македонија годината ја завршува како 68-ма на ФИФА ранг листата.

Поразот од Австрија и победата над Израел во Скопје не ни донесоа подобар пласман. Од овие два натпревари освоивме плус три поени, а ни недостасуваа уште четири да ја поминеме Саудиска Арабија која е една позиција пред нас.

Промени до крајот на годината скоро и да не можат да се случат бидејќи завршија репрезентативните обврски оваа година.

Во топ десет нема поголеми промени, единствена промена има кај позициите на Хрватска и Португалија, Хрватска сега е шеста, а Португалија седма. Белгија и понатаму е на врвот, зад неа следуваат: Франција, Бразил, Англија, Уругвај, Хрватска, Португалија, Шпанија, Аргентина и Колумбија.