Реал во „нефер“ позиција: Барса ќе има 29 часа одмор повеќе пред Ел Класико

Големото дерби помеѓу Барселона и Реал Мадрид од 10-то коло на Примера ќе се одигра на 18 декември во 20 часот, објавија денес од Федерацијата.

Натпреварот првично требаше да се одигра на крајот на минатиот месец, но поради протестите во Каталонија беше одложен, а потоа преместен за 18-ти декември.

Големата промена е што мечот првично беше закажан во непопуларен термин од 13 часот, поради гладачите во Азија и САД, но сега терминот е преместен во 20 часот.

Меѓутоа веднаш откако беа објавени сатниците настана проблем, па од „кралскиот“ клуб се бунат дека ќе имаат помалку време за одмор.

Проблем се натпреварите од 17-та коло, кога Барселона ќе гостува на Аноета, а Реал на Местаља. „Каталонците“ ќе играат против Реал Сосиедад на 14-ти декември во 16 часот, а „кралевите“ ќе играат против Валенсија на 15-ти декември во 21 часот.

Тоа значи дека Барселона ќе има цели 29 часа повеќе за одмор пред „Ел Класико“, што мадридските медиуми веднаш потенцираа дека Реал е ставен во „нефер“ позиција.

⏰ Kick-off times (CET) for Matchday 17 in #LaLigaSantander. ⚽️ pic.twitter.com/wQk69lhBvA

— LaLiga (@LaLigaEN) November 13, 2019