Знаете ли колку време Ливерпул нема пораз на Енфилд?

Водечкиот тим во англиското првенство, Ливерпул, цели 900 дена не знае за пораз на домашен терен.

Денес „црвените“ на својот стадион ќе го пречекаат шампионот и најголем ривал Манчестер Сити, па сигурно ќе сакаат таа традиција да продолжи.

Иако е ноември и релативно рана фаза од првенството, мечот може да биде и клучен за титулата. Особено ако слави Ливерпул кој во тој случај ќе замине на 9 бода разлика со „граѓаните“.

Последен пораз на Ливерпул дома беше од Кристал Палас, во април 2017 година. Од тогаш, тимот под палката на Германецот Јирген Клоп, на свој терен одигра 45 меча и извојува 35 победи.