Манчестер Јунајтед ја „блиндира“ младата ѕвезда

Младиот напаѓач на Манчестер Јунајтед, Мејсон Гринвуд, потпиша нов договор и се обврза на верност со „црвените ѓаволи“ до 2023 година.

18-годишниот напаѓач е дете на Манчестер Јунајтед, а оваа година се проби во првиот тим и покажува одлични партии.

Поради тоа клубот реши да го награди со нов, финансиски подобар договор, а со тоа и да го „блиндира“ младиот напаѓач.

„Да пораснеш како навивач на Манчестер Јунајтед и сега да играш за првиот тим е сон за мене. Знам дека кога сум на терен, ја претставувам целата академија и сакам да им се заблагодарам на тренерите за нивната верба во мене. Уште учам и ова е совршено место за да го достигнам мојот потенцијал“, изјави  Гринвуд.

A new long-term #MUFC deal for @_MasonGreenwood! ✍️

— Manchester United (@ManUtd) October 18, 2019