Мартинез ја откри вистината за Икарди

Аргентинскиот напаѓач, Мауро Икарди ова лето ги напушти редовите на Интер и се пресели во ПСЖ.

Икарди во парискиот клуб си замина на позајимца со право на откуп, а еден од оние кои сметаат дека тој тоа не го сакаше е неговиот сега поранешен соиграч од Интер, Лаутаро Мартинез. Тој вели дека Икарди сакал да остане во Интер, но сепак на крајот тоа не се случило.

„Имам добар однос со него, често се слушаме. Сакаше да остане и во разговор со луѓето од клубот секогаш зборуваше дека сака да игра. Но, сега е во друг тим и му посакувам се најдобро, бидејќи тој многу ми помогна кога дојдов во Италија“, изјави Лаутаро.

Потсетуваме, на местото на Икарди во Интер пристигна Ромелу Лукаку од Манчестер Јунајтед