Михајлови ќе мора да се врати на терапија: Болоња без него против Бреша

Поради леукемијата, Михајловиќ нема да може да ја предводи својата екипа во дуелот против Бреша следната недела, пишуваат медумите во Италија.

Тоа време, Србинот ќе ја прави втората фаза од неговиот третман со хемотерапијата. Како што е познато, претходното лето, на европскиот шампион со Црвена Звезда му беше дијагностицирана тешка форма на болеста и беше на лекување во болницата во Болоња. Во ниту еден момент, Михајловиќ не престана да го следи својот тим. Од болничкиот кревет ги наблудува сите натпревари. Потоа, изненадувачки , се појави на клупата на Болоња за натпреварите против Верона и СПАЛ.

На крајот од август, Синиша беше пуштен од лекарите, но сега пак ќе треба да се врати во клиниката.