Одбиена и последната понуда, СМС останува во Лацио

Повеќе нема дилеми, Сергеј Милинковиќ Савиќ останува во Лацио и ќе го предводи тимот овој викенд во дербито против Рома.

Лацио ја одби и последната понуда. Како што се очекуваше Интер се обиде да добие одлично засилување во финишот од трансфер периодот. Понудата беше добра, Гаљардини за кого е заинтересиран Инзаги, двајца млади играчи и плус 65 милиони евра.

Но, Лотито се заблагодари, едноставно да имаше и поголеми пари, премногу е касно Лацио да продаде играч кој е главна карика во тимот, тоа би бил голем ризик. Уште едно лето помина, Сергеј не си замина во поголем клуб, а утехата е ново зголемување на договорот, сега ќе заработи пола милион евра повеќе, плус бонуси, неговата плата би можела да биде околу 4 милиони евра по година.