Роналдо: Меси ме направи подобар играч, како и јас него!

Денес излезе вториот дел од интервјуто на Кристиано Роналдо за португалската телевизија TVI.

Во него Роналдо зборува за односите со најголемиот конкурент Лео Меси, како и за неговиот сонародник Жоао Феликс.

За односот со Меси, Роналдо изјави:

„Нема никаков сомнеж дека тој ме направи подобар играч, како и јас него. Конкуренцијата е добра и здрава, во фудбалот како и во секој друг спорт. Имам голем респект за кариерата на Лео Меси, тој дури и изрази жалење дека заминав од Примера. Тоа е бидејќи имавме ривалитет кој беше добар за двајцата. Имаме одличен професионален однос“, истакна Роналдо.

„Дали сум бил на вечера со Меси? Не, но би можеле да одиме на вечерта во иднина, зошто да не?“, одговори Португалецот.

Роналдо потоа истакна дека верува во неговиот сонародник Жоао Феликс

„Имам голема доверба во него. Тој е неверојатен играч кој располага со голем потенцијал, иако се уште има некои аспекти од играта кои треба да ги подобри. Како за Жоао, така и за Бернардо Силва верувам дека ќе направат одлични кариери“, заклучи Роналдо.

Cristiano: “Messi made me a better player and I did the same to him” https://t.co/THYK2Ih4Lh “Our rivalry was mutually beneficial and we get on great” pic.twitter.com/1sOe2i2aOC

— AS English (@English_AS) August 22, 2019