Колку потроши Манчестер Јунајтед на Алексис Санчез?

Алексис Санчез пристигна како големо засилување во Манчестер Јунајтед во јануари 2018 година, но на „Олд Трафорд“ не покажа готово ништо, па се поизвесно е дека ќе го напушти клубот.

Санчез во дресот на Манчестер Јунајтед одигра вкупно 45 натпревари на кои постигна само пет погодоци, а нив ги наплати и тоа како скапо.

Така за нешто повеќе од година и пол на „Олд Трафорд“ тој заработи дури 41 милиони фунти, односно 8.2 милиони фунти за секој постигнат погодок.

Алексис во наредните денови треба да го напушти „Олд Трафорд“ и да се пресели во Интер, а според договорот Манчестер Јунајтед ќе плаќа повеќе од половина од неговата плата наредната година.