Ремзи: Посебен момент за мене

Арон Ремзи во слободен трансфер ова лето од Арсенал премина во редовите на Јувентус.

Ремзи синоќа одигра 20 минути во пријателскиот натпревар против Триестина, а сега се надева на деби во Серија А која започнува следната недела.

„Се чуствувам добро. Имав добра рехабилитација, па се надевам дека сега ќе останам во кондиција и ќе му помогнам на тимот колку можам.“ – изјави Ремзи.

„Многу сум возбуден што сум дел од него (италијанскиот фудбал). Започнуваме во сабота, па се радувам за тоа и своето деби. Многу се радувам.“

Ремзи пристигна повреден и синоќа му беше прв натпревар од 18. април.

„Беше тоа посебен момент да го облечам овој познат дрес. Среќен сум што вечерва добив прилика.“