Емери се огласи за ситуацијата со Колашинац и Озил

Сеад Колашинац и Месут Озил денес конечно се појавија на тренингот на Арсенал.

Колашинац и Озил отсуствуваа од тренинзите и натпреварите на Арсенал некое време поради обидот за грабеж кој им се случи пред неколку недели. Тандемот на Арсенал беше мета на двајца разбојници кои се обидоа да ги ограбат, но не успеаа во тоа.

Босанскиот фудбалер излезе да се пресмета и ги избрка, но проблемите не завршија таму. Колашинац и Озил овие денвои добија сериозни закани поради што не излегуваа од своите домови и не се појавуваа на тренинзите на Арсенал.

Меѓутоа денес тие конечно се вратија и тренираа со тимот и јасно е дека сега постои шанса за викендот да бидат во комбинација за настап. Тоа денес го потврди и тренерот на овој тим, Унаи Емери.

„Тие се 100% психички спремни за игра. Фокусирани се на фудбал и тоа е најважно. Сакаме да им помогнеме повеќе да не мислат на она што се случило. Тие сега се во екипата и имаме повеќе опции за натпреварот во сабота. Утре ќе знаеме дали некој од нив двајца или двајцатаќ е бидат во почетниот тим, но секако дека конкурираат за натпреварот“, изјави Емери.