Пристигна на лекарски прегледи: Колашинац го напушта Арсенал

Сеад Колашинав во наредните шест месеци ќе го носи дресот на екипата на Шалке.

Репрезентативецот на Босна и Херцеговина вчера допатува во Германија. Денес ќе ги помине лекарските прегледи и ќе потпише договор со тимот од Гелзенкирхен.

Враќањето во Бундес лигата беше желба на босанскиот фудбалер. Во Арсенал тој беше отпишан од страна на Микел Артета, клубот затоа без поголеми проблеми му дозволи да оди на позајмица и во наредните шест месеци тој ќе игра за последнопласираниот тим во Бундеслигата.

Договорот е Арсенал и Шалке да плаќаат по 50% од неговата плата, а Колашинав на крајот од сезоната ќе се врати во Лондон каде што повторно ќе се разговара за неговата судбина.

Своето фудбалско име Колашинац го изгради во Шалке, дресот на овој тим го носеше од 2012 до 2017 година и одигра 123 натпревари за славниот германски клуб.