Нова рунда преговори: Манчестер Сити и Јувентус блиску до договор!

Манчестер Сити е се поблиску до доведувањето на Жоао Кансело од Јувентус.

Португалскиот фудбалер наскоро би можел да стане првото засилување на освојувачот на Премиер лигата, а извори од Италија говорат дека денес била одржана нов рунда преговори помеѓу двата клуба.

„Старата дама“ сака за Кансело да добие 60 милиони евра, „граѓаните“ пак сакаат да ја намалат цената и да ја завршат работата.

#Juventus–#ManchesterCity: la trattativa per #Cancelo va avanti, contatti anche nelle ultime ore ??

? https://t.co/rolTHkziKC
?@GoalItalia pic.twitter.com/7Ld6yf6Oer

— Romeo Agresti (@romeoagresti) June 17, 2019

Сепак, според медиумите разликата не е голема и во наредните неколку дена би требало се да биде завршено. Сити нема намера да купува премногу ова лето, а за Кансело се одлучија затоа што Данило ќе го напушти „Етихад“.

27 годишниот Данило не успеа да се избори за место во стартниот тим на Сити за две години и сега има неколку понуди.

Кансело од друга страна пристигна во Јувентус минатото лето од Валенсија за нешто повеќе од 40 милиони евра, а оваа сезона одигра вкупно 34 натпревари во сите натпреварувања и постигна еден гол.

Навивачите на Јувентус не беа баш задоволни од тоа како играше Кансело во финишот на изминатата сезона.

https://www.youtube.com/watch?v=JOMHCWnmBUY