Енфилд му е суден: Набил Фекир пред потпис за Ливерпул

Набил Фекир го напушта Лион. Овој 25-годишен фудбалер, кој целата кариера ја помина во овој француски клуб, веројатно многу брзо ќе стане нов член на европскиот првак Ливерпул.

Црвените тргнаа по Фекир. Се очекува наскоро се да биде готово, а Лион ќе инкасира 50 милиони евра.

Минатиот месец од Лион соопштија дека нема да му стојат на патот и дека ова лето ќе прифатат една од понудите кои ќе пристигнат.

„Му благодариме на Набил за се што даде за клубот, но имаме договор и мораме да го пуштиме да замине.“ – изјави претседателот на Лион.

Фекир оваа сезона одигра 39 натпревари за Лион и запиша 12 погодоци со 9 асистенции.