Италијанците откриваат: Познат е калчолигашот кој е најблиску до Несторовски!

Maкедонскиот напаѓач Илија Несторовски се наоѓа на излезни врати од Палермо.

Иако одлуката за исфрлање на Палермо во Серија Ц беше поништена сепак се очекува Несторовски да го напушти Палермо.

Според италијанските медиуми најголем интерес за Несторовски во овој момент покажа Лече кој се пласираше во најсилната италијанска конкуренција.

Лече се спрема за враќањето во елитата, а Несторовски е еден од играчите кои ги задоволува критериумите на овој клуб. Покрај него интересен за Лече е и Андреа Рисполи, уште еден соиграч на Несторовски од Палермо.

Италијанците наведуваат дека Несторовски има понуди и надвор од Италија, но дека Лече во овој момент е најблиску.

Несторовски зад себе има три добри сезони во Палермо. Во сезоната 2016/2017 кога клубот од Сицилија испадна од Серија А Несторовски постигна 11 голови, во сезоната 2017/2018 13 пати се запиша во листата на стрелци, а во минатата 15.