Манчестер Јунајтед замената за Лукаку ја пронајде во Германија

Медиумите на Островот информираат за изненадувачка трансфер цел на Манчестер Јунајтед.

Се погласни се шпекулациите дека Ромелу Лукаку ова лето ќе го напушти „Олд Трафорд“ и ќе се пресели во Италија, а Манчестер Јунајтед неговата замена ја пронајдоа во Бундеслигата.

Станува збор за напаѓачот на Ајнтрахт Франкфурт, Себастиан Алер. Французинот беше втор стрелец за клубот оваа сезона и постигна 15 гола на 23 натпревари во Бундеслигата, но беше во сенка на Лука Јовиќ, кој се пресели во Реал Мадрид.

Според „Дејли Мејл“, Манчестер Јунајтед нема да купува нов напаѓач ако не го продаде Лукаку. Меѓутоа, се погласи се шпекулациите дека Белгиецот ќе се пресели во Италија, каде го бараат Интер и Наполи.

Друга алтернатива е и Муса Дембеле кој исто така одигра одлична сезона во Лион, но неговата цена е многу повисока.

Manchester United have identified Frankfurt's Sébastien Haller as a potential replacement for Romelu Lukaku if he leaves. (Source: Daily Mail) pic.twitter.com/Byqiz8dK7s

— Transfer News Live (@DeadlineDayLive) June 5, 2019