Моментот кога Столе го поправи коментаторот на ЕХФ: Мојата земја е Република Македонија (ВИДЕО)

Вчера Вардар ја израдува Македонија и стана европски шампион, а на конференцијата после натпреварот во центарот на вниманието се најде Стојанче Стоилов.

При најавувањето официјалниот спикер од ЕХФ кажа: Ова е втора титула за Вардар и прва за Северна Македонија.

Оваа негова најава не ја прифати Стоилов кој се сврте кон него и му кажа нешто друго.

„Му честитам на Веспрем за фер и коректната борба, ова беше еден одличен натпревар. Не би сакал многу да зборувам затоа што сме преполни со емоции поради оваа победа. Знаеме со какви проблеми се соочувавме во целата сезона и ова е голема победа за нас и за мојата земја Република Македонија“, порача капитенот на Вардар.

Тимот на Вардар се очекува вечерва во околу полноќ да пристигне на аеродромот.