Манчестер Јунајтед денес повторно ќе навива за Манчестер Сити

Познато е колу големо ривалство има помеѓу Манчестер Сити и Манчестер Јунајтед, но исто така огромно е и ривалството помеѓу Јунајтед и Ливерпул. Поради тоа ривалство со Ливерпул, навивачите на Манчестер Јунајтед сакаа титулата во Премиер лигата да ја освојат нивните градски ривали.

На крајот таа нивна желба се оствари, најголемиот нивни ривал во Англија не ја освои титулата. Во финишот од сезоната навивачите на „ѓаволите“ навиваа за Манчестер Сити, а денес уште еднаш ќе бидат фанови на нивниот градски ривал.

Имено, денес Манчестер Сити игра против Вотфорд во финалето од ФА Купот и во овој натпревар на Манчестер Јунајтед им одговара нивните градски ривали да стигнат до трофејот. Причината е едноставна, доколку Вотфорд го победи Сити и го освои ФА Купот ќе обезбеди директно место во групната фаза од Лигата на Европа, а Јунајтед ќе игра квалификации, доколку пак Сити го освои трофејот „ѓаволите“ ќе одат директно во фазата по групи.

Квалификациите и да ги игра Јунајтед не би требало да им претставува некој проблем кога во прашање е влезот во групната фаза, меѓутоа проблем би можел да им настане поради распоредот. Имено, квалификациите започнуваат на 25-ти јули, а токму тој ден Јунајтед треба да игра натпревар во Шангај против Тотенхем во рамките од Интернационалниот куп на шампиони.

Доколку Јунајтед игра квалификациите не би било изненадување и да го откаже настапот на овој претсезонски турнир.