Директорот на Ајакс, Едвин ван дер Сар вчера зборуваше за иднината на капитенот Матијас де Лихт.
Де Лихт и оваа сезона беше вистински предводник на теренот кога е во прашање екипата на Ајакс, со оглед дека има само 19 години, а бројни европски великани ќе се борат за неговиот потпис.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Пред неколку недели се зборуваше дека дефанзивецот се договорил со Барселона, но се чини дека од тоа нема ништо. Ван дер Сар откри дека неговиот фудбалер на крајот од оваа сезона ќе го напушти клубот, но името на новиот клуб не го прецизираше.
„Мислам дека ова ќе биде последен натпревар на Де Лихт во Ајакс, а се надевам дека ќе направи нешто големо. Тој е тука од дете. Мислам дека ќе замине во Англија или Шпанија.“ – изјави Ван дер Сар.
Инаку, Ајакс синоќа беше елиминиран од ЛШ после шокантниот пораз од Тотенхем на домашен терен со 3:2, па така Де Лихт остана без првото ЛШ финале во кариерата. Сепак, доколку продолжи вака, сигурно ќе има уште многу шанси како синоќешната.
Учество во игри на среќа е дозволено за лица со 18+ години. Играј одговорно!