Стоилов: Барса можеби има предност, но ние сме Вардар!

Вардар на денешната ждрепка во полуфиналето на фајнл-фор турнирот за противник го доби првиот фаворит за трофејот, шпанска Барселона.

Капитенот на Вардар, Стојанче Стоиов после ждрепката го изнесе своето гледање и порача дека за Вардар било се исто против кого ќе играат.

„Нас ни е исто. На фајнл-форот сите екипи имаат еднакви шанси да стигнат до трофејот. Барселона можеби е во мала предност, тие беа први во нашата група. Игравме два пати против нив оваа сезона и изгубивме, но ние сме Вардар и никогаш не се предавме, така ќе биде и овој пат“, изјави Стоилов.

Потоа Столе доби прашање дали тоа што играле два натпревари против нив е предност.

„Исто е и за нив и за нас. Игравме два пати, сега има само еден натпревар и во тој се може да се случи“, порача капитенот на црвено-црните.