„Плејмејкерот“ Лукаку: Белгиецот вчера блесна со две асистенции – посебно импресивна беше првата (ВИДЕО)

Објавено на 10:48, 26 јануари

Оле Гунар Солскјер го препороди Манчестер Јунајтед, откако Норвежанецот седна на клупата „ѓаволите“ имаат осум победи во исто толку натпревари.

Вчера Јунајтед беше подобар од Арсенал со 3:1, а еден од оние кои најмногу блескаа на овој натпревар беше Ромелу Лукаку.

Лукаку конечно игра како што очекува од него. Вчера не постигна погодок, но беше во улога на вистински плејмејкер и со две асистенции одигра важна улога во триумфот.

Посебно се истакна со првата кога одлично го пронајде Алексис Санчез во празен простор.