„Марка“ открива за колкава сума Реал Мадрид ќе го купи Азар

Белгискиот репрезентативез и играч на Челзи, Еден Азар неодамна го прослави 28-тиот роденден, а изгледа неговата голема желба конечно ќе стане реалност.

Шпанска „Марка“ го потврди она што веќе долго време се најавуваше – Азар одбил продолжување на договорот со Челзи и ги договорил личните услови со Реал Мадрид.

Челзи е во незгодна позиција бидејќи Азар на лето влегува во последната година од договорот, па на крајот на следната би можеле да го изгубат бесплатно. Поради тоа многу повеќе им се исплати да го продадат за 112 милиони евра.

Азар на тој начин ќе направи нешто слично како и Тибо Куртоа кој пред истекот на договорот премина во Реал Мадрид за 35 милиони евра.

Белгиецот за Челзи одигра 327 натпревари, постигна 101 погодок и запиша 85 асистенции.

https://www.youtube.com/watch?v=Ccfm-oLcGmo