Солскјер: Мурињо е фантастичен менаџер

Пред саботниот натпревар со Брајтон, Оле Гунар Солскјер на средбата со медиумите зборуваше и за неговиот претходник на клупата Жозе Мурињо.

Мурињо беше избркан од Јунајтед после катастрофалните резултати, но откако Солскјер седна на клупата клубот од „Олд Трафорд“ забележа шест победи во низа.

За Солскјер Мурињо е фантастичен менаџер.

„Мурињо е голем менаџер со фантастични резултати зад себе. Сигурно нема да се повлече, брзо ќе пронајде нов ангажман и ќе се врати на фудбалот“, изјави Солскјер.
Потоа доби прашање и за тоа дали би можел да ја продолжи победничката низа.

„Ова веќе го кажав многу пати. Кога сте тренер на Манчестер Јунајтед треба да мислите само на победата. Одигравме шест добри натпревари, со Тотенхем положив тежок тест, но сега имаме нов против Брајтон. Секогаш мораме да се прикажуваме во најдобро светло“, порача Солскјер.