Македонската репрезентација одигра лошо второ полувреме и беше поразена од Исланд (22:24), иако на пауза заминавме со два гола предност. Со овој пораз Македонија не успеа да се пласира во втората фаза од Светското првенство.
Зошто проблемот со улични кучиња СÈ УШТЕ постои? | Уште еден поткаст
Македонија одлично го започна мечот и во првите минути направи предност од 4:1. Игравме одлично во одбраната, Борко имаше неколку одлични одбрани, па ја држевме резултатската контрола и на одмор заминавме со предност од 13:11.
Во второто полувреме видовме комплетно различна слика и му дозволивме на Исланд да направи комплетен пресврт. Во 34-та минута Исланд имаше предност од 16:17, а веднаш потоа разликата замина на два гола.
Македонија се обиде да се врати во натпреварот, но голманот на Исланд одбрани неколку клучни удари, а нападите на противникот беа долги и ефикасни. На крајот Исланд ги сочува двата гола разлика (22:24) и се пласира во следната фаза од Светското првенство.
Манасков и Лазаров со по пет погодоци беа први стрелеци во нашиот тим, а ги следеше Талески со 4 гола.
Учество во игри на среќа е дозволено за лица со 18+ години. Играј одговорно!