Ѓоковиќ го прегрази Цонга во три сета!

Новак Ѓоковиќ рутински, со 3:0 во сетови славеше против Жо Вилфрид Цонга, и се пласира во следното коло на Австралија Опен.

Најдобриот тенисер во светот подобро го отвори мечот и прв направи брејк,кој подоцна Цонга го врати. Србинот потоа направи и уште еден брејк и го доби сетот со 6:3. Слична беше ситуацијата и во вториот сет кој му припадна на Ноле со 7:5.

Во третиот сет се виде дека Цонга нема сили за пресврт, Ѓоковиќ направи еден брејк, кој го сочува до крај за конечни 6:4.

Од останатите поинтересни мечеви во машка конкуренција, Нишиори со 3-2 го совлада Карловиќ, Раониќ со 3-1 беше подобар од Вавринка, а Александер Зверев со 3-2 го помина Шарди.

Ѓоковиќ во следното коло во Мелбурн ќе игра против Денис Шаповалов.