Голем удар за Французите: „Триколорите“ без капитенот до крајот на СП

Репрезентацијата на Франција вчера со звукот на сирената дојде до реми против селекцијата на Германија и се пласира во следната фаза, но остана без капитенот.

Имено, натпреварот го одбележа повредата на искусниот пивотмен на „триколорите“, Седрик Сорендо.

Уште не е познато колку е тешка повредата, но Французите стравуваат дека би можеле да останат без капитенот до крајот на натпреварувањето.

„Докторите сметаат дека станува збор најмалку за истегнување. Денеска останавме на двајца одлични пивоти и квалитетниот дефанзивец Дипанда. Ќе се прилагодиме и ќе видиме што ќе направиме”, рече францускиот селектор Дидие Динар.