„Суперкласико“ носи бенефит за цел Мадрид: Шпанската престолнина ќе има супер заработка!

Во недела во Мадрид на „Сантијаго Бернабеу“ ќе се одигра епскиот реванш од финалето во Копа Либертадорес помеѓу Бока и Ривер.

Реваншот помеѓу Бока Јуниорс и Ривер Плата на два пати беше одложуван за потоа да се одлучи да се игра во Мадрид на „Сантијаго Бернабеу“.

Сигурно дека за овој натпревар во шпанската престолнина ќе допатуваат голем број Аргентинци, па така и се очекува Мадрид добро да заработи.

Според проценките на шпанските медиуми „Суперкласико“ на овој град ќе му донесе заработка од огромни 25 милиони евра.

Најголем дел од сумата оди во хотелската индустрија, но секако дека бенефит ќе видат и останатите угостителски дејности.

Натпреварот помеѓу Ривер и Бука се игра на 9-ти во недела со почеток во 20:30 часот.