Рамос доби пофалба и заштита од таборот на Барса: Малку професионалци се на неговото ниво

Левиот бек на Барселона, Жорди Алба ги смета за невистинити најавите дека капитенот на Реал Мадрид, Серхио Рамос имал проблеми со допинг комисијата.

„Фудбал Ликс“ неодамна пренесе информација дека Рамос паднал на допинг тест после финалето против Јувентус.

32 годишниот фудбалер ги демантираше таквите информации и најави тужба против секој кој ќе се обиде да ја наруши неговата репутација.

Во одбрана на Рамос, сега застана и Жорди Алба.

„Постојат малку професионалци кои се на нивото на Рамос. Го даде животот за Реал и репрезентацијата на Шпанија. Сигурен сум дека направил се како што треба и дека информациите кои се појавија во јавноста се лажни. Не е мое да коментирам, но сметам дека тоа се измислици“, изјави Алба.