Арсенал тргнува по потписот на напаѓачот кој блеска во Лига 1

Арсенал бележи сосема добри резултати од доаѓањето на Унаи Емери на клупата на „топџиите“, но во клубот размислуваат и за засилувања.

Прилично се конкуренти за пласман во Лигата на шампионите, но сезоната е долга и Шпанецот сака да се обезбеди со дополнителни засилување.

Денес „Тајмс“ пренесува дека Арсенал е одлучен во намерата да тргне по потпис на напаѓачот на Лил, Николас Пепе.

Фудбалерот од Брегот на Слоновата Коска игра во одлична форма и на 13 натпревари во Лига еден постигна осум погодоци и запиша пет асистенции.

Тој може да игра на сите позиции во нападот, но најдобро се снаоѓа како крилен напаѓач.

Според информациите, тимот од Лондон спремил 27 милиони фунти за негово доведување, но треба да се истакне дека интерес за неговите играчи покажа и Тотенхем.