Мурињо: Господата Бонучи и Киелини би можеле да предаваат одбрана на Харвард

Жозе Мурињо во свој стил го прокоментира поразот од Јувентус во Лигата на шампионите.

Манчестер Јунајтед не е во некоја добра форма, а потврда за тоа стигна и вчера кога Јувентус на „Олд Трафорд“ ги победи со 0:1.

Мурињо во овој натпревар посебно воодушевен беше од настапот на Џорџо Киелини и Леонардо Бонучи.

„Господата Бонучи и Киелини би можеле да биде предаваат на Харвард за тоа како се игра одбрана. Фантастично, асполутно фантастично“, изјави Мурињо.

Потоа Португалецот и се пожали дека му недостасувал важен играч.

„Го немаше Фелаини да го промени текот на натпреварот, како што тоа го правеше повеќе пати до сега“, истакна „Специјалниот“.

Мурињо за крај потенцираше и дека после ждребот очекувал Манчестер Јунајтед да се бори за втората позиција во групата.