Чориќ го изненади Федерер и закажа финале со Ѓоковиќ

Хрватскиот тенисер Борна Чориќ направи големо изненадување на мастерсот во Шангај и во полуфиналето го елиминира фаворизираниот Роџер Федерер.

Чориќ денеска се прикажа во исклучително добро издание и заслужено славеше над Федерер за пласман во финалето каде ќе ги одмери силите со Новак Ѓоковиќ.

Хрватот клучната разлика во двата сета ја направи на идентичен начин, со брејк на отворањето на двата сета, а потоа рутински го одржуваше својот сервис за конечни 6:4, 6:4.

Досега, Ѓоковиќ и Чокиќ играа двапати, и во двата наврата славеше Србинот, оваа година во Монте Карло и минатата во Мадрид.