Рекорд во Италија: „Машината“ Пиатек го стигна Виери!

Полскиот напаѓач Криштоф Пиатек е апсолутна сензација оваа сезона во Серија А, а попладневе сруши уште еден рекорд.

Џенова загуби на домашен терен од Парма со 1:3, но Пиатек го постигна својот 9-ти гол оваа сезона и тоа на само седум натпревари.

Полјакот даде и 4 гола во куп натпреварот против Лече, па има вкупно 12 гола оваа сезона.

Пиатек со денешниот гол го израмни рекордот на Бобо Виери, кој во сезоната 2002/03 постигна гол на првите седум меча во Серија А.

Апсолутниот рекорд го држи Габриел Батистута, кој во сезоната 1994/95 постигна гол на секој од првите 11 меча во првенството.

Новата ѕвезда е родена – Криштоф Пиатек!

https://youtu.be/NM5NizpUh_w