Проблем во Баерн: Претседателот јавно го критикуваше Ковач

Пред само десет дена Нико Ковач беше омилен во Минхен. Со победата против Шалке (0:2), стигна до својата седма победа на клупата на Баерн во исто толку натпревари со гол-разлика 19:2.

Сепак, потоа баварскиот гигант одигра три натпревари и запиша еден пораз и два нерешени натпревари.

„Ситуацијата не е драматична“, порача претседателот на Баерн, Ули Хенес, но и јавно го критикуваше хрватскиот тренер,

„Ковач мора да превземе одговорност. Многу ги ротиравме играчите и тренерот е тој кој мора да одговара за резултатите. Започна се со натпреварот против Аугусбург, но потоа тој требаше да извлече поука. Се е до тренерот, тој одлучува и на крајот тој може да биде оној кој ќе ја плати цената“, гласеше изјавата на Хенес.

Претходно и легендарниот Стефан Ефенберг го предупреди Ковач дека не смее толку да ротира на почетокот на сезоната.

„Прави многу промени, премногу ротира. Мислам дека мора да се прилагоди и да се откаже од тоа. Прерано е во сезоната за такво нешто“.