57 натпревари без пораз – Порто испиша историја во Португалија

Вчера тимот на Порто запиша победа од 1:0 во натпреварот против Гимараеш во рамките од 29. коло на португалскиот шампионат.

Со оваа победа тимот од „Драгао“ испиша и нова историјата во португалскиот фудбал затоа што е во серија од 57 натпревари без пораз. Ниту еден тим претходно во португалскиот фудбал не успеал да направи ваква серија.

Порто е многу блиску и до шампионската титулата затоа што на врвот на табелата има 79 бодови, шест повеќе од Спортинг, Бенфика е на третата позиција со 64 бода.