Работнички закажа дуел со МЗТ во Купот

Кошаркарите на Работнички славеа над ТФТ Моцарт со 75:68 во третата четвртфинална средба во Купот на Македонија што се игра во Битола.

Победата на Работнички им донесе пласман во полуфиналето, каде за противник го имаат актуелниот освојувач на трофејот – МЗТ Скопје Аеродром.

Тимот од Тафталиџе водеше и со 14 поени разлика во текот на мечот, но потоа следуваше пад на играта, па Работнички не дозволи изненадување.

Рикиќ беше централна фигура на мечот, центарот уфрли 23 поени со 9 скока и додаде 2 асистенции.