Милан следи тројца играчи на Челзи

Милан во зимскиот преоден рок сака да се засили со дури тројца фудбалери од Челзи, пренесуваат италијанските медиуми.

Зијех беше прва желба на „росонерите“ во текот на летниот преоден рок, но Челзи не сакаше да го пушти на позајмица со право на откуп.

Меѓутоа, Зијех не добива голема минутажа, па и самиот сака да ја промени средината во јануари. „Росонерите“ веќе имаат договор со плејмејкерот околу личните услови и ќе се обидат да го донесат во зимскиот преоден рок на позајмица со право на откуп.

Вториот фудбалер кого го сака Милан е играчот за врска, Рубен Лофтус Чик. Тој одигра одлично против „росонерите“ во ЛШ и го привлече вниманието на Малдини.

Италијанскиот клуб е спремен да понуди 15 милиони евра во јануари за 26-годишниот англиски репрезентативец.

Покрај овие двајца, Милан ја следи и ситуацијата со Пулишиќ, кој е на излезна врата од Челзи, но неговата цена е проблем за „росонерите“.

🔵 Blue is the colour…

👀 #ACMilan are reportedly eyeing three Chelsea players: https://t.co/5g1vCrshZ4 pic.twitter.com/CgRvYMYyWa

— SempreMilan 🏆 (@SempreMilanCom) November 23, 2022