Милан со ултиматум за Кеси – или потпис, или продажба

Преговорите помеѓу Милан и Франк Кеси за продолжување на соработката се во застој, а „росонерите“ не сакаат да го загубат фудбалерот без обештетување.

Кеси влезе во последната година од договорот, но двете страни се далеку од договор за продолжување на соработката.

„Росонерите“ му понудија плата од 6,5 милиони евра по сезона, но агентот на Кеси бара платата со бонуси да достигнува до 8 милиони евра.

Милан веќе го губи трпението и не сака да го загуби фудбалерот без обештетување, па веќе му поставиле ултиматум.

Доколку Кеси не стави потпис на нов договор до јануари ќе биде продаден во зимскиот преоден рок.

Интерес за играчот за врска покажуваат ПСЖ, Ливерпул и Атлетико Мадрид.