Лидс и Алиоски добија засилување од Реал Мадрид

Третиот голман на Реал Мадрид, Кико Касиља кариерата ќе ја продолжи на Островот.

Шпанскиот интернационалец ќе биде соиграч со нашиот Алиоски. Касиља денес стави потпис со Лидс Јунајтед до 2023 година.

Касиља ја започна својата кариера во Реал Мадрид, а потоа се пресели во Еспањол во 2007 година. Во сезоната 2014/2015, тој се вратил во Реал Мадрид и имаше улога на втор голман.

Оваа сезона со пристигнувањето на Куртоа, јасно беше дека за него нема повеќе место во тимот, па се реши кариерата да ја продолжи во Лидс.