10 гола во Лисабон, Барселона понижена како ретко кога! ?

Вечерва Баерн покажа моќ и убедливо ја победи Барселона во четвртфиналето од Лигата на шампионите.

Баерн во Лисабон славеше победа од 2:8. До водство Германците стигнаа уште во четвртата минута кога Милер го отвори резултатот. Барса се врати само три минути подоцна со автоголот на Алаба.

Во продолжение од 22. до 31. минута следуваше вистински потоп за Каталонците. Перишиќ, Гнабри и уште еднаш Милер погодуваа за убедливи 1:4.

Во вториот 45 минути видовме уште пет гола. Суарез во 57. минута погоди за мала надеж на Барселона, меѓутоа по супер продорот на Алфонсо Дејвис Кимих ја погоди мрежата за 2:5.

Шестиот гол за Баерн беше дело на Роберт Левандовски кој игра фантастична сезона. Треба да споменеме дека продлжи низата на Левандовски – на секој натпревар во ЛШ до сега сезонава постигна гол.

И тука не застана Баерн само неколу минути подоцна Кутињо зголемува на 2:7, а да биде болката за Барса уште поголема „нивниот“ Кутињо постигна уште еден гол за 2:8.

Баерн во полуфиналето ќе игра против подобриот од натпреварот Манчестер Сити – Лион, додека првото полуфинале го формираа Лајпциг и ПСЖ.