Џерард на првата прес-конференција: Јас сум тренер на Астон Вила, не сум тука да зборувам за Ливерпул

Стивен Џерард неодамна седна на клупата на Астон Вила, а сега ја имаше и првата прес-конференција.

Џерард е легенда на Ливерпул, па така на прес-конференција првото прашање беше дали некогаш сака да го води клубот од „Енфилд“.

„Мислам дека ова не е прес-конференција на која треба да зборувам за Ливерпул или било кои други клубови. Тренер сум на Астон Вила и треба да покажеме почит кон нашите навивачи“.

„Сите многу добро знаат што за мене значи Ливерпул, меѓутоа сега мојот фокус е тука каде што сум. Како што кажав и претходно посветен сум на овој тим и така ќе биде секогаш додека сум тука, тоа им го ветувам на фановите. Ќе дадам се од себе да креирам успешна приказна“, изјави Џерард.

В сабота против Брајтон Џерард ќе го има дебито на клупата на Астон Вила.