Џек Вилшир на 30 години објави крај на кариерата

Некогашната голема надеж на Арсенал и поранешен репрезентативец на Англија, Џек Вилшир објави крај на активната фудбалска кариера.

Вилшир има само 30 години, но после сите проблеми со кој се соочуваше изминатите сезони одлучи да стави крај. Неколку години наназад неговата кариера е во пад, а последниот ангажман го имаше во дански, Архус.

„Објавувам дека се повлекувам од професионалниот фудбал. Имав неверојатно патување исполнето со многу убави моменти. Се чувствувам привилегиран поради се што поминав во кариерата. Од мало момче со топката во дворот стигнав до капитенската лента на мојот сакан Арсенал. Играв и на Светско првенство за својата земја, го живеев мојот сон“, стои во дел од пораката со која се прости.

I’ve lived my dream. Thank you all ❤️ pic.twitter.com/rB5gnyyUlK

— Jack Wilshere (@JackWilshere) July 8, 2022