Јувентус ќе го финализира трансферот на Калулу

Јувентус одлучи да го откупи договорот на Пјер Калулу, кој претходно беше на позајмица од Милан.

Калулу стигна на едногодишна позајмица која изнесуваше 3 милиони евра. Јувентус може да го откупи договорот за дополнителни 14 милиони евра, заедно со бонуси од 3 милиони.

И покрај фактот дека договорот може да се заврши наредното лето, „бјанконерите“ одлучија веднаш да го информираат Милан за намерите да го откупат дефанзивецот.

Откако тој пристигна, Калулу се истакна во првиот тим на „бјанконерите“ со својот одличен настап, а многумина сметаат дека Милан направи грешка дозволувајќи му да замине кај нивниот голем конкурент.