Јунајтед почнува преговори со Де Геа за нов договор

Манчестер Јунајтед е спремен да започне преговори со голманот Де Геа за продолжување на договорот, пренесуваат медиумите на Островот.

Актуелниот договор на Де Геа истекува во јуни 2023 година, но „црвените ѓаволи“ сакаат да го продолжат договорот со шпанскиот голман.

Сите во клубот се задоволни со неговите партии оваа сезона, па затоа раководството смета дека сега е вистинско време да му понуди нов договор.

Де Геа на лето ќе влезе во последната година од договорот, па Манчестер Јунајтед не сака да му се повтори ситуацијата која ја има со Пол Погба.