Јунајтед го продава Санчез по „дисконтна“ цена, но никој не го сака

Aлексис Санчез многу веројатно наредната сезона нема да биде фудбалер на Манчестер Јунајтед.

Клубот од „Олд Трафорд“ има проблем со играчот кој беше платен премногу, а ништо не покажува на теренот, но сигирно ќе има големи тешкотии да најде клуб кој е заинтересиран да го купи Санчез.

Според информациите на „Сан“, Солскјер не сака да го има Санчез во својот тим наредната сезона поради честите повреди и слабите настапи, па наводно смета дека парите од неговата плата може да се искористат многу подобро.

Платата на Санчез е навистина огромна, изнесува 25 милиони фунти годишно, доколку ги исполни сите бонуси, односно 391.000 фунти неделно, како и 75.000 за секој натпревар на кој ќе се појави. Тука се и бонусите во слчај да постигне гол или забележи асистенција, како и доколку Јунајтед победи.

Кој друг клуб би го платил толку ако се земе предвид неговата сегашна форма? Одговорот е лесен – никој.

Единствено решение можеби е позајмица до крајот на истекот од неговиот договот, но и во тој случај Манчестер Јунајтед ќе треба да плаќа дел од неговата плата, дел би плаќал клубот во кој би преминал. Тоа веројатно е единствениот начин Манчестер Јунајтед да ослободи барем дел од трошоците за Санчез.

Останува да видиме дали ќе се појават заинтересирани клубови.