Јувентус фаворит за потписот на Де Лихт

Дефанзивецот и капитен на Ајакс, Матијас де Лихт од следната сезона би можел да го носи дресот на Јувентус, пренесуваат италијанските медиуми.

„Калчомеркато“ тврди дека Јувентус е фаворит за неговиот потпис, најмногу поради добрите односи со неговиот менаџер Мино Раиола.

19-годишниот Холанѓанец важи за еден од најперспективните дефанзивци во Европа и е голема желба на Барселона, како и на клубовите од Премиер лигата.

Неодамна се појави информација дека Холанѓанецот сака преселба во Барселона, но неговиот менаџер Раиола го убедува да го избере Јувентус.

Ајакс за неговата слобода бара најмалку 50 милиони евра, сума која италијанскиот шампион е спремен да ја плати.

#Juventus are reportedly leading the pack for Ajax youngster Matthijs de Ligt, despite #Barcelona, #ManCity and #Liverpool chasing the 19-year-old defender
Source: Calciomercato pic.twitter.com/fSTfH318I3

— Odds Market (@OddsMarket) February 11, 2019