Јувентус се вклучи во трката за Ренато Санчез

Јувентус е последниот клуб кој се вклучи во трката за португалскиот репрезентативец, Ренато Санчез, пренесува „Тутоспорт“.

Според пишувањето на медиумите Лил е спремен во летниот преоден рок да го продаде Санчез на кого договорот со францускиот клуб му истекува летото 2023 година.

Португалецот ја оживеа својата кариера во Лил и го привлече вниманието на многу европски гиганти, а најсилен интерес за него покажуваа Милан и Арсенал.

Сега и Јувентус се вклучи во трката за Санчез, бидејќи Алегри смета дека идеално ќе се вклопи во неговиот стил на игра, а бара и засилување на средниот ред.

„Старата дама“ веќе стапила во контакт со неговиот агент Жорге Мендеш и ќе се обиде да ја победи конкуренцијата, но Милан во моментов е во пол-позиција за потписот на Ренато Санчез.