Јувентус планира да ја активира клазулата и за малку пари да го донесе Милик

Според пишувањето на француски Л’екип, Јувентус сака да ја активира откупната клазула во договорот на Милик.

Полскиот напаѓач имаше несогласувања во Наполи, па во јануари премина во Марсеј. Испратен е на позајмица од 18 месеци со обврска за откуп на неговиот договор за осум милиони евра.

Меѓутоа, француски Л’екип тврди дека постои клазула според која Марсеј може да го продаде ако добие понуда од 12 милиони евра и Јувентус на лето ќе ја активира таа клазула.

Со оглед дека ќе се прави ремонт во екипата на Јувентус, доаѓањето на Милик за тие 12 милиони евра се смета добар потег на Старата дама.

Милик оваа сезона одигра осум натпревари за Марсеј и постигна три гола.