Јувентус не заборави па и врати на Барса: Ветивме и ви го донесовме најдобриот!

Јувентус вчера на гости ја совлада Барселона со 3:0 на „Ноу Камп“.

Торинскиот тим одигра фантастичен натпревар и на крајот сосема заслужено ги победи Каталонците кои беа целосно безидејни во овој меч.

Барселона во првиот натпревар во Торино славеше со 2:0. После тој натпревар одлучија да испратат провокација до Јувентус истакнувајќи го Лионел Меси како најдобар на сите времиња.

„Мило ни е што го видовте најголемиот на сите времиња на ваш терен“, порача тогаш Барселона со фотографија од Меси.

We are glad you were able to see the 🐐 on your pitch, @juventusfcen! 😘 pic.twitter.com/yh74wh0lNJ

— FC Barcelona (@FCBarcelona) October 28, 2020

Јувентус на тоа одговори:

„Веројатно сте гледале во погрешен речник. Ќе ви го донесеме најдобриот на „Камп Ноу“.

Ова во Торино не го заборавија, па следуваше провокација до Барселона после вчерашната победа.

„Го одржавме ветувањето. Ви го донесовме“.

We kept our word: we brought it! 📖🐐🔥 https://t.co/EMOPTzYEFx pic.twitter.com/mqr5aKA5cC

— JuventusFC (@juventusfcen) December 8, 2020